IPL 2023मधील दिल्लीच्या पहिल्या विजयानंतर वॉर्नरची मोठी प्रतिक्रिया; म्हणाला, ‘आम्ही प्रामाणिक…’

IPL 2023मधील दिल्लीच्या पहिल्या विजयानंतर वॉर्नरची मोठी प्रतिक्रिया; म्हणाला, 'आम्ही प्रामाणिक...'

दिल्ली कॅपिटल्स हा एकमेव संघ आयपीएल 2023  स्पर्धेत सातत्याने पराभवाचा सामना करत होता. दिल्लीने सलग खेळलेल्या पहिल्या पाचही सामन्यात त्यांचा दारुण पराभव झाला होता. मात्र, या पराभवाला ब्रेक लावण्याचे काम आपल्या सहाव्या आणि स्पर्धेच्या 28व्या सामन्यात केले. गुरुवारी (दि. 20 एप्रिल) दिल्ली संघाने कोलकातावर शेवटच्या षटकात 4 विकेट्सने शानदार विजय मिळवला. हंगामातील पहिला विजय मिळवताच कर्णधार डेविड वॉर्नर भलताच खुश झाला. सलग 5 पराभवांनंतर हा विजय दिल्लीसाठी आत्मविश्वास वाढवणारा ठरला. वॉर्नरने या विजयाचे श्रेय आपल्या गोलंदाजांना दिले. त्याने असेही म्हटले की, आम्हाला फलंदाजीत खूप काम करण्याची गरज आहे. 

वॉर्नरचे भाष्य

सामन्यानंतर बोलताना डेविड वॉर्नर (David Warner) म्हणाला की, “दोन गुण मिळणे खूपच शानदार ठऱले. वास्तवात आम्हाला आमच्या गोलंदाजी फळीचा अभिमान आहे. आम्ही पॉवरप्लेमध्ये त्यांच्याकडून विकेट्सची मागणी केली आणि त्यांनी ही मागणी पूर्ण केली. होय, आम्हीही फलंदाजीदरम्यान एकदम विकेट्स गमावल्या. आम्ही याबाबतीत एकमेकांशी खूपच प्रामाणिक आहोत आणि ज्या विभागांवर सुधारणेची गरज आहे, त्यावर चर्चाही करतो. आजचा सामना ठीक-ठाक राहिला.”

दिल्लीचा पहिला विजय

दिल्ली कॅपिटल्स संघ गुरुवारी सायंकाळी 

 (Nitish Rana) याच्या नेतृत्वाखालील कोलकाता नाईट रायडर्सविरुद्ध मैदानात उतरला होता. दिल्लीने नाणेफेक जिंकत गोलंदाजीचा निर्णय घेतला होता. यावेळी दिल्लीच्या गोलंदाजांनी कोलकाताच्या संपूर्ण संघाला 127 धावांवरच गुंडाळले होते. यानंतर दिल्लीच्या सलामी जोडीने चांगली सुरुवात करून दिली. मात्र, दिल्ली संघही नियमित अंतराने विकेट्स गमावत राहिला. त्यामुळे झाले असे की, दिल्लीला सामन्याच्या शेवटच्या षटकात विजय मिळाला. दिल्लीने कोलकाताच्या 128 धावांचे आव्हान 6 विकेट्स गमावत 19.2 षटकात गाठले. वेगवान गोलंदाज ईशांत शर्मा याने 4 षटकात 19 धावा खर्च करत 2 विकेट्स चटकावल्या. या कामगिरीसाठी त्याला सामनावीर पुरस्काराने गौरवण्यात आले.

दिल्लीला सलग सामन्यात मिळवावा लागेल विजय

दिल्ली कॅपिटल्स संघ सध्या गुणतालिकेत तळाशी असून त्यांचे 2 गुण आहेत. अशात त्यांना प्ले-ऑफमध्ये पोहोचण्यासाठी उरलेल्या 8 सामन्यांपैकी 6 किंवा 7 सामन्यात विजय मिळवावा लागेल. म्हणजेच त्यांना सलग सामने जिंकावे लागतील. जर दिल्लीला पुढील सामन्यात विजय मिळवायचा असेल, तर त्यांच्या फलंदाजांना पुढे यावे लागेल. या हंगामात डेविड वॉर्नर याच्याव्यतिरिक्त दिल्लीचा इतर फलंदाज नियमित चमकदार कामगिरी करू शकला नाहीये. (skipper david warner on delhi capitals first win in ipl 2023 after five defeats dc vs kkr)

संदर्भ:https://mahasports.in

मॅक्सवेल-प्लेसिसची फिफ्टी व्यर्थ, बेंगलोरच्या बालेकिल्ल्यात चेन्नईचा दणदणीत विजय

 मॅक्सवेल-प्लेसिसची फिफ्टी व्यर्थ, बेंगलोरच्या बालेकिल्ल्यात चेन्नईचा दणदणीत विजय

 सोमवारी (दि. 17 एप्रिल) आयपीएल 2023 स्पर्धेतील 24व्या सामन्यात तिसऱ्या विजयासाठी रॉयल चॅलेंजर्स बेंगलोर विरुद्ध चेन्नई सुपर किंग्स संघात लढत झाली. हा सामना चेन्नई संघाने 8 धावांनी आपल्या खिशात घालत स्पर्धेतील तिसरा सामना जिंकला. चेन्नईच्या या विजयात आधी फलंदाजांनी आणि नंतर गोलंदाजांनी मोलाचे योगदान दिले. या विजयासह चेन्नईला गुणतालिकेतही फायदा झाला.

या सामन्यात रॉयल चॅलेंजर्स बेंगलोर (Royal Challengers Bangalore) संघाचा कर्णधार फाफ डू प्लेसिस (Faf Du Plessis) याने नाणेफेक जिंकत गोलंदाजीचा निर्णय घेतला होता. तसेच, चेन्नई सुपर किंग्स (Chennai Super Kings) संघाला फलंदाजीसाठी पाचारण केले होते. यावेळी चेन्नईने प्रथम फलंदाजी करताना निर्धारित 20 षटकात 6 विकेट्स गमावत 226 धावा केल्या. या आव्हानाचा पाठलाग करताना बेंगलोरला 8 विकेट्स गमावत 218 धावाच करता आल्या. अशाप्रकारे चेन्नईने 8 धावांनी विजय मिळवत तिसरा विजय मिळवला.

बेंगलोरकडून फलंदाजी करताना अष्टपैलू ग्लेन मॅक्सवेल (Glenn Maxwell) याने सर्वाधिक धावा केल्या. त्याने यावेळी 36 चेंडूत 3 चौकार आणि 8 षटकारांच्या मदतीने 76 धावा चोपल्या. त्याच्याव्यतिरिक्त कर्णधार फाफ डू प्लेसिस यानेही 33 चेंडूत 4 षटकार आणि 5 चौकारांच्या मदतीने 62 धावा केल्या. तसेच, दिनेश कार्तिक (28), सुयस प्रभुदेसाई (19) आणि शाहबाज अहमद (12) यांनीही दोन आकडी धावसंख्या केली. महिपाल लोमरोर याला शून्य धावेवर तंबूत परतावे लागले.

यावेळी चेन्नईकडून गोलंदाजी करताना तुषार देशपांडे याने सर्वाधिक विकेट्स घेतल्या. त्याने 4 षटकात 45 धावा खर्च करत 3 विकेट्स घेतल्या. त्याच्याव्यतिरिक्त मथीशा पथिराना यानेही 2 विकेट्स आपल्या नावावर केल्या. तसेच, आकाश सिंग, महीश थीक्षणा आणि मोईन अली यांनी प्रत्येकी 1 विकेट आपल्या नावावर केली.तत्पूर्वी चेन्नईकडून फलंदाजी करताना सलामीवीर डेवॉन कॉनवे याने जबरदस्त फलंदाजी करत सर्वाधिक धावा केल्या. त्याने 45 चेंडूत 83 धावांचा पाऊस पाडला. त्याने यावेळी 6 चौकार आणि 6 षटकारांची बरसात केली. त्याच्याव्यतिरिक्त शिवम दुबे यानेही 52 धावांची अर्धशतकी खेळी साकारली. तसेच, अजिंक्य रहाणे (37), मोईन अली (नाबाद 19), अंबाती रायुडू (14) आणि रवींद्र जडेजा (10) यांनी दोन आकडी धावा केल्या. यावेळी ऋतुराज गायकवाड 3 धावांवर तंबूत परतला, तर एमएस धोनी (MS Dhoni) 1 धावेवर नाबाद राहिला.

यावेळी बेंगलोरकडून गोलंदाजी करताना सहाच्या सहा गोलंदाजांनी प्रत्येकी 1 विकेट घेतली. त्यात मोहम्मद सिराज, वेन पार्नेल, विजयकुमार विषक, ग्लेन मॅक्सवेल, वनिंदू हसरंगा आणि हर्षल पटेल यांचा समावेश होता.

या विजयासह चेन्नई सुपर किंग्स संघाने गुणतालिकेत तिसरा क्रमांक पटकावला. चेन्नईचा पुढील सामना 21 एप्रिल रोजी सनरायझर्स हैदराबाद संघाविरुद्ध होणार आहे. (Chennai Super Kings won by 8 runs against Royal Challengers Bangalore)

संदर्भ: https://mahasports.in

#IPL2023 #RCBvMI : कोहली आणि डुप्लेसिसचा झंझावत; RCB चा मुंबई इंडियन्सवर दणदणीत विजय

बंगळुरू - कर्णधार फाफ डुप्लेसिस आणि विराट कोहली यांच्या झंझावती अर्धशकती खेळीच्या जोरावर आयपीएल स्पर्धेत रविवारी झालेल्या सामन्यात रॉयल चॅलेंजर बंगळुरूने मुंबई इंडियन्स वर दणदणीत विजय मिळवला. मुबंई इंडियन्सने दिलेले 172 धावांचे लक्ष्य  रॉयल चॅलेंजर बंगळुरूने 16.2 षटकांत 172 धावा करत पूर्ण केले.

रॉयल चॅलेंजर बंगळुरूकडून विराट कोहलीने 49 चेंडूत नाबाद 82 धावांची खेळी करत संघास विजय मिळवून दिला. त्याने आपल्या खेळीत 5 षटकार आणि 6 चौकार लगावले. कर्णधार फाफ डुप्लेसिसने 43 चेंडूत 73 धावांची खेळी केली. त्याने आपल्या खेळीत पाच चौकार आणि सहा षटकार मारले. डुप्लेसिस बाद झाल्यानंतर क्रीझवर आलेल्या दिनेश कार्तिकला खातेही उघडता आले नाही. तीन चेंडूंचा सामना करून तो पॅव्हेलियनमध्ये परतला. कॅमेरून ग्रीनच्या गोलंदाजीवर तो टिळक वर्माकरवी झेलबाद झाला. कार्तिकनंतर ग्लेन मॅक्सवेल क्रीजवर आला. त्याने  3 चेंडूत  नाबाद 12 धावांची खेळी केली.

तत्पूर्वी, कर्णधार रोहित शर्मासह प्रमुख फलंदाजांच्या अपयशानंतर तिलक वर्माने केलेल्या आक्रमक खेळीच्या जोरावर मुंबई इंडियन्सने आयपीएल स्पर्धेत रविवारी रॉयल चॅलेंजर बंगळुरूविरुद्धच्या लढतीत प्रथम फलंदाजी करताना 20 षटकांत 7 गडी गमावून 171 अशी समाधानकारक मजल मारली मारत  बंगळुरूसमोर 172 धावाचं लक्ष्य ठेवलं. एकवेळ धावांची शंभरी तरी पार करणार का, असे चित्र असताना वर्माने केलेली खेळी बंगळुरूसमोर आव्हान निर्माण करणारी ठरली.

बंगळुरूचा कर्णधार फाफ डुप्लेसी याने नाणेफेक जिंकत मुंबईला पहिल्यांदा फलंदाजी दिली. मुंबईच्या डावाची सुरुवात निराशाजनक झाली. सलामीवीर ईशान किशनने सुरुवात धडाक्‍यात करत 2 चौकार फटकावले. मात्र, विनाकारण फटका खेळून तो 10 धावांवर महंमद सिराजच्या गोलंदाजीवर बाद झाला. त्यानंतर बाद होण्याची जणू स्पर्धाच लागली होती.

कर्णधार रोहित शर्मा याने साफ निराशा केली. अवघी एक धाव काढून तो तंबूत परतला. कॅमेरून ग्रीनकडून खूप अपेक्षा होत्या. मात्र, तोदेखील 5 धावांवर बाद झाला. सूर्यकुमार यादव 16 चेंडूत 15 धावांवर परतला. यावेळी तिलक वर्मा खेळपट्टीवर आला व त्याने संघाचा डाव सावरला. त्याने नेहाल वधेराला साथीला घेत संघाचे अर्धशतक फलकावर लावले.

वधेरा स्थिरावला असे वाटत असतानाच 13 चेंडूत 1 चौकार व 2 षटकारांसह 21 धावांवर बाद झाला. टीम डेव्हीड व हृतिक शोकीनही अपयशी ठरले. समोरून एकेक फलंदाज बाद होत असताना तिलक वर्माने अर्धशतक पूर्ण केले. तसेच संघाचा डाव एकहाती सावरताना संघाला दीडशतकी धावसंख्येच्या पुढे मजल मारून दिली. त्याने नाबाद 84 धावांची अविश्‍वसनीय खेळी केली. त्यात त्याने 46 चेंडूत 9 चौकार व 4 षटकारांची आतषबाजी केली.

तळात अर्शद खानने नाबाद 15 धावांची खेळी करत तिलकला साथ दिली. बंगळुरूकडून कर्ण शर्माने सर्वाधिक 2 गडी बाद केले. रीस टोपले, मायकल ब्रेसवेल, महंमद सिराज, आकाशदीप व हर्षल पटेल यांनी प्रत्येकी 1 बळी घेतला. यंदाच्या आयपीएल स्पर्धेत पुन्हा एकदा रोहित शर्माच्या नेतृत्वातील मुंबई इंडियन्सने सलामीच्या लढतीत सुमार कामगिरी कायम राखली. त्याच्यासह प्रमुख फलंदाज साफ अपयशी ठरले.

संदर्भ - https://www.dainikprabhat.com/